Bugun Superliganing 5-tur uchrashuvlari davom ettiriladi. Jumladan,  Termizda «Lokomotiv» klubi «Surxon» jamoasi mehmoni bo‘ladi. Turnir jadvalida «Surxon» 4 ochko bilan 9-o‘rinni egallab turibdi. Bu jamoa to‘rtta o‘yindan bittasida g‘alaba qozonib, bir bor durang o‘ynadi va ikki bor mag‘lub bo‘ldi. To‘plar nisbati 3-4.

«Surxon» klubi mavsumni o‘z maydonida «Metallurg»ga qarshi bahs bilan boshlab 1:0 hisobida zafar quchdi. So‘ngra jamoa safarda «Andijon»ga 0:1 hisobida mag‘lub bo‘lib, Termizda «Qo‘qon-1912» bilan 1:1 o‘ynadi. O‘tgan tur esa termizliklar g‘alaba qozonishlari mumkin bo‘lgan bahsda «So‘g‘diyona»ga 1:2 hisobida yutqazib qo‘yishdi.

«Lokomotiv» esa ushbu chempionatni qatorasiga ikkita mag‘lubiyat bilan boshladi. «Temiryo‘lchilar» dastlab safarda AGMK va uyda «Navbahor»ga imkoniyatni boy berishdi. Oxirgi ikkita o‘yin esa durang natija bilan yakun topdi. «Loko» hozirda 2 ochko bilan 13-o‘rinda boryapti. To‘plar nisbati 5-7.

Mazkur jamoalarning o‘zaro o‘yinlariga to‘xtaladigan bo‘lsak jamoalar shu kungacha chempionat tarixida 6 bor to‘qnash kelishgan. Ortda qolgan uchrashuvlarda “Lokomotiv” 2 bor g‘alaba nashidasini surgan bo‘lsa, qolgan to‘rtta uchrashuv durang bilan yakuniga yetgan. Bugungi uchrashuv mezbonlari “Surxon” klubi xali “temiryo‘lchilar”ni mag‘libiyatga urata olishmagan. Toshkentliklar mazkur raqibga qarshi qo‘lga kiritilgan g‘alabalarning bittasida yirik 5:1 hisobida zafar quchganini qo‘shimcha qilish joiz. To‘plar nisbatininig umumiy ko‘rinishi esa 4 ga 9 “Loko” foydasiga.

Coca Cola Superligasi. 5-tur

«Surxon» - «Lokomotiv»

Bosh hakam: Akobir Shukrullayev

Qanot hakamlari: Zufar Eliboyev, Farhod Usmonov.

Zaxira hakami: Viktor Grigorev.

Nazoratchi: Arslon Hotamov

Komissar: O‘ngar Jalimov

"Lokomotiv" va PFL ma’lumotlaridan ham foydalanildi.