Taniqli murabbiy Maurisio Sarri «Fiorentina» boshqaruviga o‘tishni istamadi, deb xabar beradi Football Italia.
Manbaning xabariga ko‘ra, 62 yoshli italiyalik mutaxassis mavsum davomida biron bir klubni boshqarmoqchi emas. U faqat chempionatning boshidanoq to‘laqonli ish bilan qiziqadi.
«Binafsharanglilar»dan tashqari Sarri «Marsel»da ishlashdan ham bosh tortdi. O‘z o‘rnida «Napoli» va «Roma» murabbiy bilan aloqada bo‘lib turibdi.
Eslatib o‘tamiz, italiyalik murabbiy «Yuventus»dan o‘tgan yozda ishdan bo‘shatilgan va o‘shandan beri ishsiz.
