«Atletiko» forvardi Joau Felish La Liga 30-tur doirasidagi «Betis»ga qarshi o‘yinda jarohat oldi.
Portugaliyalik hujumchining oyog‘i raqib zarbasi sabab birinchi taymning so‘nggida qayrilib ketdi, ikkinchi taymdagi birinchi daqiqadan so‘ng esa Felish o‘zini almashtirishlarini so‘radi va uning o‘rniga Lukas Torreyra tushirildi.
21 yoshli Felish joriy mavsum Madrid klubi safida barcha musobaqalarda 33ta o‘yinda maydonga tushib, 10ta gol va 5ta assist qayd etdi.
Futbolchining «matraschilar» bilan tuzgan shartnomasi 2026 yilning 30 iyuniga qadar mo‘ljallangan, uning transfer narxi 80 million yevroga teng.
