«Атлетико» форварди Жоау Фелиш Ла Лига 30-тур доирасидаги «Бетис»га қарши ўйинда жароҳат олди.

Португалиялик ҳужумчининг оёғи рақиб зарбаси сабаб биринчи таймнинг сўнггида қайрилиб кетди, иккинчи таймдаги биринчи дақиқадан сўнг эса Фелиш ўзини алмаштиришларини сўради ва унинг ўрнига Лукас Торрейра туширилди.

21 ёшли Фелиш жорий мавсум Мадрид клуби сафида барча мусобақаларда 33та ўйинда майдонга тушиб, 10та гол ва 5та ассист қайд этди.

Футболчининг «матрасчилар» билан тузган шартномаси 2026 йилнинг 30 июнига қадар мўлжалланган, унинг трансфер нархи 80 миллион еврога тенг.