"Buxoro" bosh murabbiyi Anvar Berdiyev O‘zbekiston kubogining 2-turi doirasida "Surxon"ga qarshi bo‘lib o‘tgan o‘yin (2:5) borasida o‘z fikrini bildirib o‘tdi.

"Avvalo «Surxon» jamoasini g‘alaba bilan tabriklayman. O‘yin haqida gapiradigan bo‘lsam, bugun meni qo‘l ostimda jamoa birinchi uchrashuvini o‘tkazdi. Albatta ilk debyutimda jamoa yirik hisobda mag‘lubiyatga uchrashi yoqimsiz holat bo‘ldi. Futbolchilar 2ta to‘p farqi bilan oldinga chiqib olishganidan so‘ng, bilmayman nega juda xotirjamlikka berilib o‘yinni qo‘yib yuborishdi, balki osongina g‘alaba qozonamiz deb o‘ylashgandir. Lekin bu juda qattiq xato, hakamning hushtagi bilan boshlangan o‘yin uning hushtagi bilan yakunlanadi, bu orada futbol o‘ynash kerak, xotirjamlikka berilish yaramaydi, diqqatni bir joyga jamlolmasangiz, raqib sizni har bir vaziyatda jazolashi mumkin. Bugungi uchrashuv bunga misol.

Muxlislarimiz oldida bugungi o‘yin uchun hijolatdaman. O‘yinni qayta ko‘rib chiqib, xatolar ustida ishlab keyingi o‘yinga tayyorlanamiz", — dedi Anvar Berdiyev.