"Бухоро" бош мураббийи Анвар Бердиев Ўзбекистон кубогининг 2-тури доирасида "Сурхон"га қарши бўлиб ўтган ўйин (2:5) борасида ўз фикрини билдириб ўтди.

"Аввало «Сурхон» жамоасини ғалаба билан табриклайман. Ўйин ҳақида гапирадиган бўлсам, бугун мени қўл остимда жамоа биринчи учрашувини ўтказди. Албатта илк дебютимда жамоа йирик ҳисобда мағлубиятга учраши ёқимсиз ҳолат бўлди. Футболчилар 2та тўп фарқи билан олдинга чиқиб олишганидан сўнг, билмайман нега жуда хотиржамликка берилиб ўйинни қўйиб юборишди, балки осонгина ғалаба қозонамиз деб ўйлашгандир. Лекин бу жуда қаттиқ хато, ҳакамнинг ҳуштаги билан бошланган ўйин унинг ҳуштаги билан якунланади, бу орада футбол ўйнаш керак, хотиржамликка берилиш ярамайди, диққатни бир жойга жамлолмасангиз, рақиб сизни ҳар бир вазиятда жазолаши мумкин. Бугунги учрашув бунга мисол.

Мухлисларимиз олдида бугунги ўйин учун ҳижолатдаман. Ўйинни қайта кўриб чиқиб, хатолар устида ишлаб кейинги ўйинга тайёрланамиз", — деди Анвар Бердиев.