O‘zbekiston Coca-Cola kubogi musobaqasining guruh bosqichi 2-turidan o‘rin olgan "Qo‘qon-1912" - "Mash’al" (3:2) uchrashuvidan so‘ng mehmonlar bosh murabbiyi Aleksandr Xomyakov matbuot anjumanida ishtirok etdi.

"Juda qiziqarli uchrashuv bo‘ldi deyish mumkin. Har ikki jamoa hujumkor va tomoshabop ruhda o‘yin namoyish etdi. Birinchi bo‘limda biroz issiq ob-havo sharoitida o‘ynashga to‘g‘ri keldi. Shunday bo‘lsada darvozalarga 5ta gol kiritilishi  tomoshabinlarga ham manzur kelishi shubhasiz.

Bugun bir-biriga o‘xshamagan ikki xil taym ko‘rdik. Birinchi bo‘lim davomida to‘pni nazorat qilishga va raqib darvozasini ishg‘ol etishni maqsad qilgandik, bu rejamiz amalga oshdi. Lekin ikkinchi bo‘limda birinchisidan farqli ravishda o‘yinimiz qovushmadi va  gollar o‘tkazib yubordik.  Aksincha "Qo‘qon-1912" jamoasi tezlikni oshirgan xolda uchrashuvni o‘z foydalariga hal qilishdi. Qo‘qonliklar tarkibida mahoratli va kurashuvchan futbolchilar jam bo‘lgan. Bugungi mag‘lubiyatni unutgan xolda olg‘a davom etamiz. Guruh bosqichining so‘ngi turi biz uchun hal qiluvchi bahs hisoblanadi.

Tabiiy xolda bugungi natijadan qoniqish hosil qilganim yo‘q.Futbol faqat 45 daqiqadan iborat emas. "Qo‘qon-1912"ga muvaffaqiyat tilayman.

Qo‘qonliklar bilan Muborakda kechgan o‘yinimiz ham tomoshabop ruhda o‘tgandi. O‘sha o‘yinda futbolchilarim bosim ostida , biroz asabiy holatda harakat qilishgandi. Qo‘qonliklar esa bugungiga qaraganda ancha ishonchliroq va yaxshiroq o‘yinashgandi", — dedi Xomyakov.