«Yuventus» ustozi Andrea Pirlo A Seriya 34-turida «Udineze» mag‘lub etilganidan (2:1) keyin o‘z fikrlarini bildirdi.
«O‘zimiz uchun vaziyatni yana qiyinlashtirdik, lekin kerakli natijaga erishishni oxirigacha istadik. Bu eng muhimi hisoblanadi.
Bugungi g‘alaba muhim edi, shunday ruhda davom etishimiz kerak.
Jamoada ham ruhan ham jismonan charchoq bor. Skudetto uchun emas, Chempionlar Ligasi yo‘llanmasi uchun kurashayotganingda nimadir o‘zgaradi. Bu noodatiy.
Qatorasiga 9 skudettodan keyin, bir davr tugadi, ammo yangisi boshlanmoqda», — dedi Pirlo.
