PSJ bosh murabbiyi Maurisio Pochettino Chempionlar Ligasidan chiqib ketganidan keyin futbolchilarining chetlatilishidan shikoyat qildi.

«Manchester Siti»ga qarshi ilk bahsda Idrissa Geye, javob o‘yinida esa Anxel Di Mariya maydondan chetlatilgandi.

«180 daqiqadan 40-45 daqiqani kamchilik bo‘lib o‘tkazdik. Bu raqib uchun katta ustunlik. Bu futbol, ammo o‘yinda qolgan holda kurashishga urindik.

Bugun bizning kunimiz emas edi. Shunday holat Parijda o‘tgan ilk o‘yinda ham bo‘lgandi», — dedi argentinalik mutaxassis.