O‘zbekiston Respublikasi Prezidentining 2019 yil 4 dekabrdagi “O‘zbekistonda futbolni mutlaqo yangi bosqichga olib chiqish chora-tadbirlarlari to‘g‘risida”gi PF-5887-sonli Farmoni ijrosini ta’minlash hamda viloyat yoshlarini sportga kengroq jalb qilish, ushbu sport turiga qiziqishini yanada orttirish, yosh iqtidorlarni aniqlash, viloyat terma jamoalariga sportchilarni saralab olish va ularning qobiliyatlarini munosib rag‘batlantirish maqsadida va 9-may Xotira va qadrlash kuni bayrami munosabati bilan, Qashqadaryo viloyati, Chiroqchi tumani, O‘zbekiston jamoa xo‘jaligi hududidagi maktab o‘quvchilari o‘rtasida futbol musobaqasini tashkil etildi.  


Musobaqada O‘zbekiston jamoa xo‘jaligi hududida joylashgan 8 ta maktab jamoasi qatnashdi. Uchrashuvlar 37-maktab sun’iy futbol o‘yingohida bo‘lib o‘tdi.

Finalda "Jar" mahallasining 37-maktab jamoasi va "Do‘stlik" mahallasining 39-maktab jamoasi bahs olib bordi. Yakunda 37-maktab vakillari 3:1 hisobida g‘alaba qozonishdi.

Musobaqadan so‘ng taqdirlash marosimi o‘tkazildi. Homiylar tomonidan qimmat baho sovg‘alar, pul mukofoti, 1-o‘ringa ko‘chma kubok, va medallar topshirildi.

Amplualar bo‘yicha quyidagilar eng yaxshi futbolchilar deb topilishdi:

1.Eng yaxshi hujumchi — Azamat (37-maktab).

2.Eng yaxshi himoyachi — Firdavs (37-maktab)

3.Eng yaxshi himoyachi — Bahrom (39-maktab)

4.Eng chiroyli gol muallifi — Bekzod (37-maktab)

5.Eng yaxshi darvozabon — Mustafo (37-maktab)

Eclair kompaniyasi tomonidan ularga sovg‘alar topshirildi.