“Tottenxem”dan haydalgan Joze Mourinyoga “Roma” klubi rahbariyati jamoani ishonib topshirmoqda.

Portugaliyalik mutaxassis ishni tarkibni qayta shakllantirishdan boshlaydigan bo‘ldi. U har bitta pozisiyaga yangi o‘yinchilarni olib kelishga qaror qildi.

Xususan, Joze Mourinyo o‘z qo‘l ostida “Manchester Yunayted”dan David de Xea, Xuan Mata va Nemanya Matich, “Udineze”dan Xuan Musso, “Olimpiakos”dan Joze Sa, “Vulverxempton”dan Ruy Patrisiu va Nelson Semedu, “Tottenxem”dan Erik Dayer va Pyer-Emil Xeybyerg, “Manchester Siti”dan Katan Ake,  “Lill”dan Renatu Sanshesh, “Aston Villa”dan Anvar Al-G‘oziy, “Real”dan Isko va transfer huquqi “Benfika”ga tegishli bo‘lgan Karlos Vinisiusni jamlamoqchi.

Bu futbolchilarning ayrimlari turli jamoalarda Mourinyo ustozligida to‘p surganini ta’kidlash lozim.