Fransiya terma jamoasi sardori Ugo Lyoris Uels bilan o‘rtoqlik uchrashuvi (3:0) paytida ro‘y bergan qiziq bir voqea haqida gapirdi.
Uelsliklar 25-daqiqadan boshlab Neko Uilyams maydondan chetlatgach maydonda ozchilik bo‘lib o‘ynashdi, ammo Karim Benzema penaltidan foydalana olmadi. Darvozabonning so‘zlariga ko‘ra, fransuzlar hakamdan Uilyamsni olib tashlamaslikni iltimos qilishgan.
«Biz hammamiz hakamdan uelslik futbolchini chetlatmaslikni so‘radik, biz uchrashuvni 11taga 11ta o‘ynab yakunlamoqchi edik. O‘rtoqlik o‘yini uchun bu normal holat», - deydi Lyoris.
Eslatib o‘tamiz, Ugo Lyoris Fransiya terma jamoasi sardori sifatida o‘zining 100-o‘yinini o‘tkazdi.
