Франция терма жамоаси сардори Уго Льорис Уэльс билан ўртоқлик учрашуви (3:0) пайтида рўй берган қизиқ бир воқеа ҳақида гапирди.
Уэлсликлар 25-дақиқадан бошлаб Неко Уилямс майдондан четлатгач майдонда озчилик бўлиб ўйнашди, аммо Карим Бензема пенальтидан фойдалана олмади. Дарвозабоннинг сўзларига кўра, французлар ҳакамдан Уилямсни олиб ташламасликни илтимос қилишган.
«Биз ҳаммамиз ҳакамдан уэлслик футболчини четлатмасликни сўрадик, биз учрашувни 11тага 11та ўйнаб якунламоқчи эдик. Ўртоқлик ўйини учун бу нормал ҳолат», - дейди Льорис.
Эслатиб ўтамиз, Уго Льорис Франция терма жамоаси сардори сифатида ўзининг 100-ўйинини ўтказди.
