“Vilyarreal”ning eng zo‘r to‘purari bo‘lib turgan Jerar Moreno yozda kuchliroq klubga o‘tish imkoniga ega bo‘lyapti.

29 yoshli ispaniyalik hujumchi Yevropa Ligasi finalida “Manchester Yunayted” darvozasini ishg‘ol qilganidan keyin unga xaridorlar ko‘payib ketdi.

Jerar Moreno nafaqat xalqaro miqyosdagi musobaqada, balki ichki chempionatda ham sermahsul o‘yin namoyish qildi. Ispaniya chempionatida 33 ta uchrashuvda 23 ta gol urib, yettita golli pas berdi.

Endi unga “Barselona”, “Atletiko” “Vest Xem”, “Nyukasl” va “Roma” qiziqmoqda. Moreno shu jamoalardan birini  tanlashi kerak bo‘ladi.

“Vilyarreal” o‘z hujumchisini 40 million yevroga baholamoqda.