"Roma" bosh murabbiyi Joze Mourinyo "Yuventus" hujumchisi Krishtianu Ronaldu haqida gapirdi.
"U endi 25 yoshda emas, 36 yoshda. Ha, u bir mavsumda 50 ta gol urmaydi.
Ammo 35 ta gol urdi va bu aql bovar qilmas raqamlar. U allaqachon afsonaviy, ammo to‘xtamaydi, yangi narsaga intiladi.
Menimcha, Krishtianu Messi undan yaxshiroq degan gaplardan xafa emas. Aksincha, tanqid unga turtki beradi. Ronaldu psixologik jihatdan juda kuchli. U zudlik bilan Italiyani tark etib, meni xotirjam qilishi kerak", – dedi Mourinyo.
O‘tgan mavsumda Ronaldu 44 o‘yinda 36 gol urdi va 4 golli pas berdi.
Portugaliyalik yulduz 2010-2013 yillarda Mourinyo qo‘l ostida "Real"da o‘ynagan.
