Italiya matbuoti "Jenoa" hujumchisi Eldor Shomurodov "Roma"ga o‘tishi mumkinligi haqida yozmoqda. Shu xabardan keyin, "Jenoa" muxlislari ushbu transfer haqida turlicha fikrlar bildirishmoqda. Ijtimoiy tarmoqlardagi, ushbu mavzu bo‘yicha keltirilgan eng qiziqarli izohlarni taqdim etamiz:
Carla Prando
Har doimgidek, qandaydir iqtidor bizda o‘ynashni boshlashi bilan, boyroq klub darhol ushbu futbolchimizni sotib oladi.
Bu nafaqat Genuyada. balki butun dunyoda sodir bo‘lmoqda.
Norma Pecoraro
Agar "Roma" bu Shomurodov uchun 15-20 million to‘lashga rozi bo‘lsa, u holda bu transfer muhokama qilinishi mumkin.
Giovanna Squarzina (Norma Pecoraro-ning izohiga javoban)
"Roma" o‘tgan yozda hech kim uchun 20 million to‘lamadi. Ular Shomurodov uchun ham transfer siyosatini o‘zgartirmaydi deb o‘ylayman.
Rimliklarning Eldor uchun 20 million to‘lashga tayyor ekanligiga shubha qilaman.
Chiara Puccini
Agar biz Eldorni sotadigan bo‘lsak, unda jamoada muammolar bo‘ladi. Skamakka ijaraga olingan, Destro beqaror o‘ynamoqda va Pandev allaqachon qarigan. "El uzbeko"ni sotsak, biz eng istiqbolli hujumchini yo‘qotamiz.
Enrico Incarnato
Umid qilamanki, Shomurodov Pyontek bizdan "Milan"ga ketganidan keyin nima bo‘lganini biladi.
Pyontek "Jenoa"ni tark etib, asta-sekin gol urish xislatini yo‘qotdi va shundan keyin, biroz o‘tib "Milan" uni sotib yubordi - tahririyat
Giorgio Ravenna
"El Uzbeko" 5 ta o‘yinda 4 ta gol urdi va tamom - darrov "Roma"ga o‘tishi haqidagi mish-mishlar tarqaldi. Esimda, bundan bir necha oy oldin "Yuventus"ga o‘tish haqida mish-mishlar tarqalgandi. Va Shomurodov u yerga borganmi? Menimcha, bu mish-mish.
Alessandra de Bellis
Umid qilamanki, bu mish-mishlar. Eldor yaxshi salohiyatga ega futbolchi. U o‘z faoliyatini Italiyada qiyinchilik bilan boshladi, ammo asta-sekin o‘z o‘yinini topdi. Menimcha, Shomurodov o‘zimizga kerak. Va Mourinyo Pandevni olsin, chunki ular avval "Inter"da birga ishlagan.
Luca Vitello
Aftidan, Eldorning "Lasio"ga kiritgan goli "Roma" yetakchilarini shunchalik ilhomlantirdiki, ular darhol futbolchini sotib olishga qaror qilishdi.
("Roma" uchun "Lasio"ga qarshi derbi uchrashuvi mavsumning eng muhim bahsi hisoblanadi - tahririyat).
Jamshidjon Mahmudov tayyorladi.
