Termizning «Surxon» klubini tark etgan sobiq bosh murabbiy Rufat Akromxo‘jayev «Lokomotiv» klubiga qaytdi. «Temiryo‘lchilar» rasmiy sayti xabariga binoan, Akromxo‘jayev klubda tahlilchi-seleksioner sifatida ish boshlagan.
«Yoshlar futboli bo‘yicha yurtimizning ko‘zga ko‘ringan mutaxassislaridan biri Rifat Akramxo‘jayev «Lokomotiv»da yana ish boshladi.
Rifat Akramxo‘jayev «Lokomotiv»da tahlilchi-seleksioner murabbiy sifatida ishlaydi va asosiy jamoaning analitik ishlarini olib boradi», - deyiladi xabarda.
Ma’lumot uchun, Akromxo‘jayev Termiz klubida yil boshida bosh murabbiy sifatida faoliyat boshlab, ikki oylik faoliyatidan keyin klub bilan birga emasdi. Iyul oyiga kelib, «Surxon» bosh murabbiy iste’foga chiqarilganini rasman e’lon qildi.
