Portugaliyaning "Benfika" klubi forvard Diyego Kostani sotib olmoqchi, deya xabar beradi jurnalist Rudi Galetti o‘z tvitter sahifasida.
Manbaning xabariga ko‘ra, portugaliyaliklar allaqachon futbolchi vakillari bilan bo‘lajak shartnoma borasida muzokaralar olib borishmoqda. Shuningdek, Kostaga "Beshiktosh" ham qiziqish bildirmoqda.
Ispaniyalik futbolchi 1 mavsum uchun 3 million yevro va qo‘shimcha bonuslarni olmoqchi. Hozirda u erkin agent hisoblanadi. Transfermarkt portali futbolchini 6 millionga baholamoqda.
