«L'Equipe» nashri xabariga ko‘ra, «PSJ»ning yangi darvozaboni Janluiji Donnarumma yiliga yetti million yevro maosh oladi.
Manbaning xabariga ko‘ra, darvozabonning fransuz klubidagi ish haqi «Milan» taklif qilgan maoshdan kamroq bo‘ladi. Ta’kidlanishicha, milanliklar kiperga yiliga 8 millionlik shartnoma taklif qilgan,biroq Donnarumma mazkur bitimdan voz kechib, parijliklar shartnomasiga rozi bo‘lgan.
Ma’lum bo‘lishicha, soliqlarni hisobga olgan holda Donnarumma «PSJ»da yiliga 13 million yevro ishlab topadi.
22 yoshli Donnarumma - «Milan» tarbiyalanuvchisi. Posbon Italiya klubi safida 251 uchrashuv o‘tkazdi va 265 gol o‘tkazib yuborgan.
