Bugun Tokio-2020 Olimpiya o‘yinlarining saralash bosqichlarida ishtirok etgan erkin
kurashchilarimiz G‘ulomjon Abdullayev (-57 kg) va Javrail Shapiyev (-86 kg) imkoniyatni boy berishgan edi. Ertaga ular bronza medali uchun kurashni davom ettiradigan bo‘ldilar.
Boisi hamyurtlarimizni mag‘lub etgan kurashchilar Zaur Uguyev (-57 kg) va Hasan Yazdani (-86 kg) finalga yo‘l olishdi. Bu borada vakillarimiz dastlab o‘tish bosqichidagi raqiblarini mag‘lub etishi kerak. Demak, ertaga vakillarimizning o‘tish bosqichidagi va uni muvaffaqiyatli yakunlagan taqdirlarida bronza medali uchun kurashadigan raqiblari quyidagicha:
-57 kg: G‘ulomjon Abdullayev / Tomas Gilman (AQSH) – Rizo Atri (Eron);
-86 kg: Javrail Shapiyev / Stefan Reyxmus (Shveysariya) – Artur Nayfonov (ROQ).
Shuningdek, ertaga -74 kg vazn toifasida yana bir vakilimiz Bekzod Abdurahmonov ham o‘z ishtirokini boshlaydi. Unga birinchi davrada Puerto-Riko vakili Franklin Gomes raqiblik qiladi.
