Yaponiyaning Tokio shahrida 23 iyuldan 8 avgustga qadar yozgi Olimpiya o‘yinlari bo‘lib o‘tdi.
Musobaqada O‘zbekiston nomidan 17 ta sport turi bo‘yicha jami 65 ta yo‘nalishda atletlar ishtirok etdi. O‘zbekistonliklar sportchilar Olimpiadada umumiy hisobda 5 ta (3 ta oltin va 2 ta bronza) medalni kiritdi va umumjamoa hisobida 32-o‘rinni egalladi.
Birinchi o‘rinni Amerika Qo‘shma Shtatlari vakillari egallagan bo‘lsa, Xitoy va Yaponiya ikkinchi va uchinchi pog‘onalarni band etdi. Medallar umumiy reytingi bilan ushbu havolada tanishish mumkin.
| № | Davlat |  |
 |
 |
Jami |
| 1 | AQSH | 39 | 41 | 33 | 113 |
| 2 | Xitoy | 38 | 32 | 18 | 88 |
| 3 | Yaponiya | 27 | 14 | 17 | 58 |
| 4 | Buyuk Britaniya | 22 | 21 | 22 | 65 |
| 5 | Rossiya | 20 | 28 | 23 | 71 |
| 6 | Avstraliya | 17 | 7 | 22 | 46 |
| 7 | Niderlandiya | 10 | 12 | 14 | 36 |
| 8 | Fransiya | 10 | 12 | 11 | 33 |
| 9 | Germaniya | 10 | 11 | 16 | 37 |
| 10 | Italiya | 10 | 10 | 20 | 40 |
O‘zbekiston Osiyo qit’asida Xitoy (2), Yaponiya (3), Janubiy Koreya (16) va Erondan (27) keyin beshinchi eng yaxshi natijani qayd etdi. Mustaqil davlatlar hamdo‘stligi mamlakatlari orasida esa Rossiyadan (5) keyingi bo‘ldi.
Bu medallar sifati bo‘yicha O‘zbekiston uchun Olimpiya o‘yinlari tarixidagi ikkinchi eng yaxshi natija bo‘ldi. 2016 yilda Rioda o‘tgan Olimpiya o‘yinlarida 13 ta medal (4 ta oltin, 2 ta kumush va 7 ta bronza) jamg‘arilgandi. O‘shanda O‘zbekiston delegasiyasi 21-o‘rin bilan musobaqani yakunlagan.
Atlanta-1996 — 0-1-1 = 2 (58-o‘rin)
Sidney-2000 — 1-1-2 = 4 (43-o‘rin)
Afina-2004 — 2-1-2 = 5 (34-o‘rin)
Pekin-2008 — 0-1-3 = 4 (62-o‘rin)
London-2012 — 0-0-3 = 3 (75-o‘rin)
Rio-2016 — 4-2-7 = 13 (21-o‘rin)
Tokio-2020 — 3-0-2 = 5 (32-o‘rin)
Tokiodagi Olimpiadada jami 1080 ta medal (340 ta oltin, 338 ta kumush va 402 ta bronza) o‘z egalariga topshirildi. 93 ta mamlakat vakillari kamida bittadan sovringa ega bo‘ldi. Shuningdek, 65 ta delegasiya, jumladan, O‘zbekiston ham o‘z hisobiga oltin medal yozdirib qo‘ygan.
Eslatib o‘tamiz, Tokio Olimpiadasida Ulug‘bek Rashidov (taekvondo), Akbar Jo‘rayev (og‘ir atletika) va Bahodir Jalolov (boks) oltin, Davlat Bobonov (dzyudo) hamda Bekzod Abdurahmonov (erkin kurash) bronza medaliga ega chiqdi.
