Parijda raqobat kuchaygani uchun vaziyat qizib bormoqda.
Todofichajes.com xabariga ko‘ra, Markinyos va Kimpembe o‘z agentlaridan o‘zlariga yangi jamoalar topishni so‘rashgan.
Ikkala futbolchi ham Ramos tufayli Parijdagi o‘yin amaliyoti ancha kamayishiga ishonishadi. Kulibalining «Napoli»dan kelishi haqida ham mish-mishlar yetarlicha. Agar transfer amalga oshsa, u asosiy futbolchiga aylanadi.
Deyarli barcha Britaniya gigantlari ushbu himoyachilarga qiziqish bildirmoqda, ayniqsa, Markinyosga.
Braziliyalik bir necha yillardan buyon o‘z pozisiyasida Yevropaning eng kuchli futbolchilaridan biri hisoblanadi. «PSJ» uchun u 200 dan ortiq o‘yin o‘tkazdi.
