Ertaga, 13 avgust kuni Angliya chempionatining yangi mavsumi ham boshlanadi.
Bu mavsum ochilish o‘yinida musobaqa debyutanti «Brentford» va «Arsenal» klublari ishtirok etishadi.
Bilasizmi?
«Brentford» va «Arsenal» o‘rtasidagi ertangi uchrashuv 1947 yil may oyidan beri liga doirasidagi birinchi o‘yin bo‘ladi. 74 yil oldin "Griffin Park"da o‘tgan bahsda «to‘pchilar» 1:0 hisobida g‘alaba qozonishgandi.
«Brentford» 13 avgust juma kuni «Arsenal»ga qarshi uchinchi marta, 2001 yil aprel oyidan beri birinchi marta to‘qnash keladi.
«Arsenal» APL tarixida to‘rtinchi bor musobaqaning ochilish o‘yinida ishtirok etadi. Bundan avvalgi uch bellashuvning barchasida londonliklar g‘alaba qozonishgan: "Vest Bromvich" (2008/09), «Lester» (2017/18) va «Fulhem» (2020/21).
Nikolya Pepe Robin van Persi davridan beri APLning ketma-ket uch uchrashuvida dubl qayd etgan birinchi futbolchisi bo‘lishi mumkin. Pepe o‘tgan mavsum Premyer-Liganing oxirgi ikki o‘yinida ikkitadan gol urishga muvaffaq bo‘lgandi.
Bahs rasmiylari
Bosh hakam: Maykl Oliver
Qanot hakamlar: Styuart Byurt, Simon Bennet
Zaxira hakami: Mayk Din
VAR: Kris Kavenag
VAR yordamchisi: Syan Messiy-Ellis
Taxminiy tarkiblar
Brentford - Raya, Yansson, AYEr, Pinnok, Royerslev, Kanyos, Janelt, Norgaard, Fosu-Anri, Mbeumo, Toney
Arsenal - Leno, Chambers, Mari, Uayt, Tirni, Elneni, Jaka, Rou, Pepe, Obameyang, Lyakazett.
Yo‘qotishlar
Brentford: Josh Dasilva, Matias Yensen (ikkalasida ham jarohat)
Arsenal: Tomas Parti, Eddi Nketiya, Gabriyel Magalyayesh (barchasida jarohat), Rob Holding (formada emas).
Raqamlar
«Arsenal» Premyer-Liganing oxirgi 5 uchrashuvida g‘alaba qozongan.
«Arsenal» APL doirasidagi so‘nggi 4 bahsning birinchi bo‘limida ham, butun o‘yin davomida ham g‘alabaga erishgan.
Angliya Premyer Ligasi 2021/2022 yilgi mavsumining ochilish bahsi - «Brentford» hamda «Arsenal» o‘rtasidagi o‘yin 13 avgust kuni Toshkent vaqti bilan 23:59 da boshlanadi.
