«Real Madrid» klubi «Chelsi» himoyachisi Antonio Rudigerga katta qiziqish bilan qaramoqda. «Goal» nashrining xabariga ko‘ra, qirollik klubi Ramos hamda Varanning jamoani tark etishi fonida yangi markaziy himoyachiga muhtojlik sezmoqda.
Qaymoqranglilar Rudigerni kuzatayotganiga qaramay, bu yozda unga rasmiy taklif yubora olmaydi. Germaniya terma jamoasi a’zosi hozirgi klubi bilan keyingi yili shartnomani yakunlaydi va agar yanvar oyigacha yangi bitim imzolanmasa, u holda futbolchi istagan klubi bilan muzokaralarga kirishish huquqiga ega bo‘ladi.
Futbolchi o‘tgan yili jamoasi bilan 34 ta o‘yinda maydonga tushgan.
