London klubi bosh murabbiyi jamoasining Chempionlik poygasidagi imkoniyatlarini baholadi.
“Chelsi” bosh murabbiyi Tomas Tuxel jamoasining 2021/22-yilgi chempionlik uchun
imkoniyatlari haqida o‘z fikrlari bilan o‘rtoqlashdi. Bu haqda Sky Sports nashri ma’lum qilmoqda.
“Rostini aytsam, “Chelsi”ni favoritlar ro‘yxatida to‘rtinchi o‘rinda ko?ryapman. Biz bu ro‘yxatda
uchinchi, ikkinchi va birinchi o‘rinda bo‘lganlar bilan o‘rtadagi farqni yo‘qqa chiqarishimiz
kerak. O‘tgan mavsumda biz ancha o‘sishga erishganimiz va ishlashda davom etayotganimizni
aytgan edik.
Premyer-liga — jiddiy musobaqa. Biz “Liverpul”, “Manchester Siti” va “Manchester
Yunayted”ni ortda qoldirishimiz kerak. Biz buni har bir turda amalga oshirishimiz lozim”, — deya ta’kidladi Tuxel.
Eslatib o‘tish mumkin, kecha, 14-avgust kuni “Chelsi” Angliya chempionatining birinchi turida
“Kristal Pelas”ni 3:0 hisobida mag‘lub etdi.
