«Atletiko» himoyachisi Manu Sanches yana «Osasuna»ga ijaraga berildi, deb xabar beradi klub matbuot xizmati.

«Osasuna» uchun 20 yoshli futbolchi 2021/2022 yilgi mavsum oxirigacha o‘ynab beradi.

Manu Madrid klubi tarbiyalanuvchisi hisoblanadi. Uning «matraschilar» bilan shartnomasi 2025 yilning o‘rtalariga qadar tuzilgan. «Atletiko» uchun Sanches atigi oltita o‘yin o‘tkazgan.

Himoyachi o‘tgan mavsumning ikkinchi qismini «Osasuna»da o‘tkazgandi. U 16 uchrashuvda ishtirok etib, 4 ta golli uzatma muallifi bo‘lgan.