Sky Sports nashri xabariga ko‘ra, "Liverpul" rahbariyati hujumchi Muhammad Salohga yangi shartnoma taklif qilmoqchi. "Qizillar" bosh murabbiyi Yurgen Klopp vaziyatga izoh berdi.
"Men odatda bunday shartnomalar haqida gapirmayman. Ammo hozir biz jamoamizda sodir bo‘ladigan har bir mayda-chuydalarni muhokama qilamiz. Muhammad ajoyib formada, u haqiqiy professional. Agar muzokaralar boshlansa, biz bu haqda sizga albatta xabar beramiz. Lekin, menga ma’lum bo‘lishicha, Saloh bilan shartnoma imzolanadi", - dedi Klopp.
Eslatib o‘tamiz, Salohning amaldagi shartnomasi 2023 yilning yozigacha amal qiladi.
