"Lester" transfer o‘yinchisi yopilishidan oldin qanot yarim himoyasi pozisiyasini
kuchaytirmoqchi. Jamoa bosh murabbiyi Brendan Rojers qanot futbolchilari ro‘yxatida yetarlicha futbolchi yo‘q deb hisoblaydi.
"Tulkilar" rahbariyati zudlik bilan yangi xarid ishlarini boshladi. Britaniyaning The Sun gazetasi ma’lum qilishicha, "Ayaks" futbolchisi David Neres mazkur ro‘yxatning boshida turibdi. Berilgan ma’lumotlarga ko‘ra, "Lester" bugun Gollandiya klubiga rasmiy taklif bilan chiqadi.
Transfermarkt portali mutaxassislari 24 yoshli futbolchining potensial transferini 27 million yevroga baholamoqda.
