Xabaringiz bor, yakuniga yetgan Yevropa chempionatida Fransiya terma jamoasi 1/8 final bosqichida Shveysariyaga penaltilar seriyasida yutqazib qo‘ydi.
Hal qiluvchi penaltini Kilian Mbappe kirita olmagandi. Shundan so‘ng, Adriyen Rabyoning onasi Mbappe va Pol Pogbaning qarindoshlariga shikoyat qilgani muxlislarni biroz hayratga soldi.
Ushbu voqeaga Rabyo izoh bildirdi.
«Tribunada hech narsa sodir bo‘lmadi, - deydi Adriyen Rabyo fransuz matbuotida. - Bularning barchasini eshitish biroz g‘alati edi. Men onam bilan gaplashdim va unga ishonaman.
Agar u hech narsa bo‘lmagani haqida aytsa, demak bu to‘g‘ri. Siz hamma videodan g‘azablangan deb bahslashishingiz mumkin, lekin bu tez-tez sodir bo‘lib turadigan narsa.
U yerda nima deyilganini kim aniq biladi? — hech kim. Men bu haqda Mbappe yoki Pogba bilan gaplashmaganman va bu kerak ham emas», — deydi Rabyo.
E’tiborlisi, fransuzlar jahon chempionatining saralash guruhida peshqadamlik qilmoqda, ammo ular beshtadan faqat ikkita uchrashuvda g‘alaba qozonishgan.
