Qisqa tanaffusdan keyin Superliga 17-turida "Sherlar" Bekobodga safar qilishadi.

Chempionatlar doirasida klublar 49 bor to‘qnash kelishgan. "Sherlar" 41 bellashuvda zafar quchishgan, 4 o‘yinda "Metallurg" g‘olib chiqqan. 4 uchrashuvda jamoalar durang o‘ynashgan. “Paxtakor” 130 gol urib, o‘z darvozasidan 37 to‘p olib chiqqan. "Metallurg"ni ayni paytda Jasur Abduraimov boshqarmoqda. Ushbu mutaxassis oxirgi bir necha yilda "Paxtakor" murabbiylar shtabida faoliyat yuritgandi.

Bekobod jamoasining o‘zaro o‘yinlardagi so‘nggi g‘alabasi 2016 yilgi mavsumda kuzatilib, o‘z maydonida 2:0 hisobida yutuqqa erishgan. O‘zaro bahslarda eng yirik g‘alaba - 6:0 natijasi "Paxtakor"ga tegishli. 2003 va 2006 yillarda "Sherlar" raqibni shunday natijalar bilan dog‘da qoldirishgan.

Toshkentliklarning yirik g‘alabalari soni jami 16tani tashkil qiladi. Bekobodda o‘tgan uchrashuvlarning 18tasida "Sherlar" g‘alaba qozongan, ikki bellashuv durang bilan tugagan bo‘lsa, 4ta to‘qnashuvda "Metallurg" ustun kelgan. Mehmondagi o‘yinlarda 53 gol urilib, 19 to‘p o‘tkazib yuborilgan. Safardagi oxirgi 5ta o‘yinda "Paxtakor" zafar quchgan.

Bellashuvni diskvalifikasiya tufayli o‘tkazib yuboradigan futbolchilar yo‘q.

"Metallurg" va "Paxtakor" o‘rtasidagi uchrashuv 10 sentyabr, juma kuni "Metallurg" stadionida soat 19:00da boshlanadi.