"Roma" yarimhimoyachisi Lorenso Pellegrini Rim klubi bilan yangi shartnoma imzolaydi, deb yozadi jurnalist Nikolo Skira tvitterdagi sahifasida.
Manbaga ko‘ra, kelasi hafta 25 yoshli italiyalik yarimhimoyachining agenti yangi shartnoma imzolanishini yakunlaydi. 30 million yevro miqdoridagi to‘lov shartnomadan olib tashlanadi va maoshi yiliga 3 million yevroni tashkil qiladi.
Eslatib o‘tamiz, o‘tgan mavsum Lorenso Pellegrini "Roma" safida 47 ta o‘yinda maydonga tushib, 11 ta gol va 10 ta golli uzatmani amalga oshirgan.