Rossiyaning Irkutsk shahrida bo‘lgan havaskor futbolchilar o‘rtasidagi ochiq chempionatida "Viktoriya" va "Paxtakor" jamoalari o‘rtasidagi o‘yin paytida janjal yuzaga keldi. Mazkur bahsni boshqargan uchrashuv hakami Anton Rjenev o‘yin paytida jarohat oldi.
Sababi, 1:1 hisobida kechayotgan bahsning 85-daqiqasida, bosh hakam "Paxtakor" darvozasi tomon penalti belgilagan. Shundan keyin toshketliklar o‘yinchisi Bobomurod Allanazarov bosh hakamga hujum qildi. Keyinchalik esa Dilmurod Kaplanov janjalga qo‘shildi - ba’zi ommaviy axborot vositalari Kaplanovni muxlis deb atashdi, chunki u maydonga tribunadan kirib kelgan, lekin aslida u jamoa a’zosi bo‘lgan. OAVning yozishicha, futbolchilar Anton Rjenevning boshiga zarba bergan va qisqa vaqt ichida hakamni hushidan ketkizishgan. Manbada aytilishicha, Allanazarov 2024 yil 2 sentyabrgacha diskvalifikasiya qilindi, "Paxtakor"ga esa 0:3 hisobida texnik mag‘lubiyat yozilgan.
"Hushtak chalgandan so‘ng, hakam bosh va bo‘yin qismimdan kuchli zarba qabul qilib oldi va hakam qisqa vaqt ichida hushini yo‘qotdi. Voqeadan keyin Irkutsk futbol federasiyasi polisiyaga murojaat qildi. Arbitr Anton Rjenev va Irkutsk shahar futbol federasiyasi Bobomurod Allanazarov va Dilmurod Kaplanovni jinoiy javobgarlikka tortish to‘g‘risida ariza bilan murojaat qilishdi", - deyiladi Irkutsk shahar futbol federasiyasi rasmiy veb-sayt bergan bayonotda.
