«Manchester Yunayted» xo‘jayini hisoblangan Gleyzerlar oilasi, yaqin orada «qizil iblislar» bosh murabbiy Ole-Gunnar Sulsherni iste’foga chiqarishi mumkin.

Daily Mirror nashri xabariga ko‘ra, «Yunayted» egalari jiddiy moliyaviy sarmoyalarga qaramay, hali hech qanday sovrinni qo‘lga kirita olmagan norvegiyalik mutaxassisning ishidan to‘liq qoniqish hosil qilishmagan.

Manba aytilishicha, agar vaziyat yaqin orada yaxshilanmasa, klub yangi murabbiy tayinlashga majbur bo‘ladi. Sulsherning o‘rniga uchta nomzod ko‘rsatilgan.

Norvegiyalikning birinchi o‘rinbosari Antonio Konte bo‘lishi mumkin, u hozir «Inter»dan ketganidan keyin ishsiz. Italiyalik murabbiy Manchesterda ishlashga roziligi va Gleyzerlarning takliflarini tinglashga tayyorligini ma’lum qilgan.

Ro‘yxatdadagi ikkinchi nomzod «Real» sobiq ustozi Zinedin Zidan. Fransuz mutaxassisi ushbu ro‘yxatdagi eng favoriti hisoblanadi, chunki u nafaqat La Liganni qo‘lga kiritdi, balki Chempionlar ligasida ham to‘rt marta g‘alaba qozondi.

Gleyzerlar uchun oxirgi variant - hozirda «Lester» bilan ishlayotgan Brendan Rojers. «MYU» rahbariyati o‘tgan mavsumda Premyer-ligada 5-o‘rinni egallagan va «tulkilar»ni Angliya kubogi va Superkubogi g‘olibligiga olib kelgan Rojers variantiga ham to‘xtalishgan.