«Barselona» yosh va iqtidorli futbolchisi Gavining kelajagiga umid bilan qaraydi.
Futbolchining shartnomasida 50 million yevro tovon puli belgilangan. Biroq yaqin orada uning uchun ko‘p pul to‘lashga qodir klub yo‘q.
Lekin Gavining rivojlanish dinamikasini hisobga olsak, vaziyat qisqa vaqt ichida o‘zgarishi mumkin. «Barselona» vise-prezidenti Rafa Yuste futbolchining yangi shartnomasi haqida gapirdi.
«Men Gavi uchun juda xursandman. U o‘z yoshi uchun nihoyatda yetuk futbolchi. 17 yoshida u 37 yoshdagidek harakat qilmoqda.
Biz uni har tomonlama qo‘llash uchun hamma narsani qilamiz. U «Barselona»ni ko‘p yillar davomida o‘z uyi ekanligini tushunishi kerak», - deydi vise-prezident.
17 yoshli futbolchining kataloniyaliklar bilan amaldagi shartnomasi 2023 yilgacha mo‘ljallangan.
