Coca Cola Superligasi 22-tur doirasidan o‘rin olgan “So‘g‘diyona” - “Qo‘qon-1912” uchrashuvi 16 oktyabr kuni Jizzax shahrida bo‘lib o‘tadi. Mazkur bahs oldidan bu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Bu jamoalar shu paytga qadar chempionat doirasida 31 marta to‘qnash kelishgan.
O‘yinlarning 9 tasida "Qo‘qon-1912" zafar quchgan, 14 ta bahsda jizzaxliklar qo‘li baland kelgan. Sakkizta uchrashuvda durang natija qayd etilgan.
To‘plar nisbati – 48-35, “So‘g‘diyona” foydasiga. O‘zaro o‘yinlarda “Qo‘qon-1912” 35 ochkoni qo‘lga kiritgan. “So‘g‘diyona””ning ochkosi 50 tani tashkil etadi.
“So‘g‘diyona” maydonida o‘tgan so‘nggi 5 uchrashuv:
21.09.2020 «So‘g‘diyona» – «Qo‘qon-1912» 3:0
22.06.2019 «So‘g‘diyona» – «Qo‘qon-1912» 2:2
19.10.2018 «So‘g‘diyona» – «Qo‘qon-1912» 1:0
25.04.2018 «So‘g‘diyona» – «Qo‘qon-1912» 1:1
19.11.2017 «So‘g‘diyona» – «Qo‘qon-1912» 2:1
Hakamlar
O‘zPFL superliganing 22-tur o‘yinlarida ishlaydigan rasmiylar ro‘yxatini e’lon qildi. Jizzaxda bo‘lib o‘tadigan "So‘g‘diyona" - "Qo‘qon-1912" uchrashuvini Asker Najafaliyev boshchiligidagi hakamlar guruhi boshqarib boradigan bo‘ldi. Najafaliyev bungacha jamoamiz ishtirokidagi bitta o‘yinda ishlagan. Coca Cola superligasining 6-turidan o‘rin olgan hamda Asker Najafaliyev brigadasi boshqarib borgan "Qo‘qon-1912" - "Metallurg" o‘yinida jamoamiz 0-1 hisobidan imkoniyatni boy berishgan edi. Bu safar Najafaliyev boshqargan o‘yin biz uchun omadli bo‘ladi deb umid qilamiz. Shuningdek Jizzaxdagi o‘yinda VAR tizimi ham ishlaydi.
Coca Cola superligasi
22-tur
16 oktyabr, shanba
SO‘G‘DIYONA – QO‘QON-1912
Hakamlar: Asker Najafaliyev, Anvar Marajabov, Ziyodullo Abdurahmonov, Ilya Ilin
Nazoratchi: Marat Ismailov
VAR hakami: Aziz Asimov
VAR assistent: Timur Gaynullin
VAR nazoratchisi: Valentin Kovalenko
Komissar: Laziz Qo‘chqorov
Boshlanish vaqtlari
“So‘g‘diyona” - "Qo‘qon-1912" uchrashuvi, shanba kuni Jizzax shahridagi “So‘g‘diyona” stadionida soat 18:30 da start oladi. Bugun kuni esa ushbu jamoalarning o‘rinbosarlari U-21 birinchiligi 22 -turida maydonga tushishadi. Mazkur o‘yin “So‘g‘diyona” qarorgohidagi stadionida soat 15:00da boshlanadi.
