«Tottenhem» futbolchisi Serxio Regilon «Nyukasl» bilan o‘yin paytida xushidan ketgan muxlisni ko‘rganidan keyin nimalarni his qilganini aytdi. Bu haqda Mundo Deportivo xabar berdi.

Regilonning ta’kidlashicha hakam uni e’tiroz bildiryapti, deb o‘ylagan va sariq kartochka ko‘rsatmoqchi bo‘lgan.

«Men buni juda tez tushundim. Bir odamni stadion o‘rindiqlarida yotganini ko‘rdim, ikkinchisi esa uni jonlantirishga harakat qilardi. U qimirlamasdi. Men hakamga bir kishi o‘layotganini aytdim, lekin u meni o‘yinga norozilik bildiryapti, deb o‘yladi va sariq kartochka ko‘rsatishiga oz qoldi. Men hakam bilan ingliz va ispan tillarida gaplashdim va iltimos, tezroq defibrillyatorni oling, deb aytdim», — degan «Tottenhem» futbolchisi.

Shuningdek, Serxio juda asabiylashganini aytib o‘tgan. «Umid qilamanki bunday voqea hayotimdagi so‘nggisi», — deb qo‘shimcha qilgan u.