«Тоттенҳэм» футболчиси Серхио Регилон «Ньюкасл» билан ўйин пайтида хушидан кетган мухлисни кўрганидан кейин нималарни ҳис қилганини айтди. Бу ҳақда Mundo Deportivo хабар берди.

Регилоннинг таъкидлашича ҳакам уни эътироз билдиряпти, деб ўйлаган ва сариқ карточка кўрсатмоқчи бўлган.

«Мен буни жуда тез тушундим. Бир одамни стадион ўриндиқларида ётганини кўрдим, иккинчиси эса уни жонлантиришга ҳаракат қиларди. У қимирламасди. Мен ҳакамга бир киши ўлаётганини айтдим, лекин у мени ўйинга норозилик билдиряпти, деб ўйлади ва сариқ карточка кўрсатишига оз қолди. Мен ҳакам билан инглиз ва испан тилларида гаплашдим ва илтимос, тезроқ дефибрилляторни олинг, деб айтдим», — деган «Тоттенҳэм» футболчиси.

Шунингдек, Серхио жуда асабийлашганини айтиб ўтган. «Умид қиламанки бундай воқеа ҳаётимдаги сўнггиси», — деб қўшимча қилган у.