Eslatib o‘tamiz, mazkur bahsda Jerar Pikening 36-daqiqada kiritgan goli kataloniyaliklarga joriy mavsum YECHLdagi ilk gol, ochko va g‘alabani taqdim etdi. Bunga qadar klub «Bavariya» va «Benfika» jamoalariga bir xil 0:3 hisoblarida mag‘lubiyatga uchragandi.

"Ushbu g‘alaba bizni Chempionlar Ligasida jon saqlab qolishimiz uchun ushlab turadi va hozir ham har qanday narsa bo‘lishi mumkin. G‘alaba uchun yigitlarga minnatdorchilik bildiraman. Ammo, bugun o‘yinni yanada yaxshiroq yakunlashimiz kerak edi.

Endi yakshanba kuni bo‘ladigan «el-klasiko» g‘alabadan keyin osonroq o‘tadi.

Bu kabi o‘yinlarda uch yoki to‘rtta gol farqi bilan g‘alaba qozonish lozim. Haqiqiy hujumchilarga xos sifatlarga ega bo‘lmagan futbolchilardan imkoniyatlarni golga aylantirishni talab qila olmaysiz. Biroq, bizda bunday forvardlar bor va ularning ishi - shunday bahslarda vaziyatlarni hal qilish.

Ansu uzoq vaqt davomida safdan chiqdi va o‘yinini kuchaytirishi uchun unga vaqt kerakligi normal holat. U kelasi oyda 19ga kiradi. Bularning hammasi tabiiy. Bugun undan boshqacha katta o‘yin kutgandim. Ammo, endi 19 yoshga to‘ladigan yigitdan mo‘’jizalar kutish to‘g‘ri emas - bu ilojsiz.

Biz g‘alaba qozonishimiz, yaxshi o‘ynashimiz va gollar urishimiz shart bo‘lgan klub edi. Lekin, bugungi bahsdan keyin ham qilinishi kerak bo‘lgan ishlar bor. «Dinamo»ga qarshi o‘yinda vazifamiz g‘alaba qozonish edi. «Dinamo» mutlaqo hech narsa yarata olmadi, hech qanday xavf yo‘q edi. Boshqa o‘yinlarga solishtirganda, to‘psiz harakat qilish bo‘yicha o‘yinimiz yaxshilandi. Biroq, biz maksimum darajada o‘zimizni ko‘rsata olmadik yoki kamida uchta to‘p farqi bilan yutishimiz kerak edi".

Mazkur bahsda yagona gol sohibi Jerar Pike ham o‘z fikrlarini bildirib o‘tdi. Qayd etish kerak, futbolchi endilikda «Barselona»ning YECHLda gol urgan eng yoshi katta futbolchisi hisoblanadi (34 yosh, 260 kun).

"Bunday natijalar albatta jamoaga «el-klasiko» singari muhim o‘yin oldidan ishonch hosil qilish uchun yordam beradi. Joriy mavsum o‘z maydonimizda ketma-ket uch g‘alaba - bu ajoyib.

Birinchi golsiz va ochkosiz ikki guruh o‘yinidan keyin, ushbu g‘alaba juda ham muhim edi. Mazkur g‘alaba bizga guruhda oxirigacha kurashishimiz uchun imkoniyat berardi. O‘ylaymanki, garchi yanada yaxshiroq qilishimiz mumkin bo‘lsa ham, ishni yaxshi bajardik. «Dinamo» gol urish uchu birorta aniq zarba bera olmadi, ammo ularning himoyaviy o‘yini biz uchun qiyinchilik yuzaga keltirdi".