Chempionlar Ligasi guruh bosqich uchinchi turidan o‘rin olgan «Zenit» - «Yuventus» o‘yinida Italiya klubi kichik 1:0 hisobida g‘alaba qozondi.

Uchrashuvda g‘alaba golini kiritgan Deyan Kulusevski o‘z fikrlari bilan bo‘lishdi.

"Murabbiy bizdan to‘p bilan yaxshiroq harakatlanishimizni so‘radi. Biz to‘p nazoratini osonlik bilan boy berib qo‘yayotgandik. Yaxshi o‘ynay olmadik, ammo kuchli jamoalar o‘zlarining eng yaxshi harakatlarini ko‘rsata olmagan vaqtlarda ham g‘alaba qozonishni uddalashadi va biz buni uddaladik. To‘p darvozaga borayotganini ko‘rganimda, kirmaydi deb qo‘rqdim. Keyin to‘p to‘rga borib tushganini ko‘rdim va juda xursand bo‘ldim. Bu mening mavsumdagi birinchi golim. Maydonga tushganimda, o‘yinni o‘zgartirishga harakat qildim. Tezda muvaffaqiyatga erishganim yo‘q, o‘ynash qiyin bo‘ldi. Ammo, to‘g‘ri vaqtda tayyor edim".

«Yuventus» bosh murabbiyi Massimiliano Allegri: "Natija ajoyib, chunki biz uch o‘yindan keyin birorta gol o‘tkazmagan holda barcha ochkolarni jamg‘ardik. To‘g‘risini aytsam, o‘yinimiz yaxshi chiqmadi, «Zenit» bo‘sh hududlarni yopishga erishdi va to‘p bilan tez harakat qila olmadik. Albatta, hali ham yaxshilashimiz kerak bo‘lgan jihatlar bor. O‘yinning oxirgi 30 daqiqaligida chiziqlar orasida va yaxshiroq qaror qilish borasida soz o‘ynashimiz lozim. Dibala o‘zining ijodkorligi bilan bizga yordam berardi, lekin hamma o‘yinchilar shu tuyg‘uni o‘zlarida shakllantirishlari shart".

Uchrashuvning eng yaxshi futbolchisi deb topilgan Leonardo Bonuchchi: "Og‘ir o‘yin bo‘ldi. «Zenit» to‘pni yo‘qotishi bilan, bo‘sh hududlarni yopib tashladi. Butun jamoa ushbu g‘alabaga haqli, biz o‘zimizda ishtiyoq va sabr qilishni qayta kashf etdik va bu eng muhim jihatlardir.

O‘ylashimcha, hozirda ko‘proq jamoa sifatida o‘ynamoqdamiz. Yaqin o‘tmishda, bu xarakterni yo‘qotib qo‘ygandik, biz buyuk chempion, Ronaldu bilan o‘ynayotgandik va uni yaxshi vaziyatga chiqarishni istardik. Bu yil g‘alaba qozonishimiz uchun kerak bo‘ladigan xarakterni qayta kashf qilmoqdamiz".

«Zenit» ustozi Sergey Semak: "Imkoniyatlar kam bo‘ldi, ammo ikkala jamoa ham vaziyatlar yaratishdi. Baxtga qarshi raqibimiz o‘z golini urdi, biz esa yo‘q. Har bir gol xatolar yig‘indisidir. «Yuventus» «Roma»ga urgan goliga o‘xshash to‘p kiritdi. Chempionlar Ligasi doim ajoyib atmosferani ulashuvchi bazm bo‘lib kelgan. Bunday o‘yinlar orqali bizga rohatlanish imkoniyatini taqdim etadi. Ba’zida yaxshi o‘ynaymiz, ba’zan yomonroq. Lekin, Chempionlar Ligasi o‘yini biz uchun har doim katta hodisa".