Bugun 2022 yil Xitoyning Pekin shahrida bo‘lib o‘tadigan XXIV qishki Olimpiya o‘yinlarining boshlanishiga roppa rosa 100 kun qoldi.
Musobaqa tashkilotchilari ushbu sana munosabati bilan bir qator tadbirlarni o‘tkazdi.
Ular orasida ko‘pchilikning diqqat-markazini tortgan jihat bo‘lajak Olimpiada medallarining taqdimoti bo‘ldi, deyish mumkin.
Tashkiliy qo‘mita bugun o‘tkazilgan tadbirda Olimpiya va Paralimpiya o‘yinlari qahramonlariga topshiriladigan medallar dizaynini ommaga taqdim qildi.