Hawk-Eye ofsayd holatini avtomatik aniqlash tizimini ishlab chiqdi. Bu haqda FIFA ma’lum qildi.
The Times nashri ma’lum qilishicha, tizimdan Qatarda bo‘lib o‘tadigan 2022 yilgi jahon chempionatida foydalanish mumkin.
Ta’kidlanishicha, ishlab chiqilgan tizim ofsayd holatiga bir zumda reaksiyaga kirishadi va hakam yordamchisiga (VAR) xabar beradi. Keyin hakamning o‘zi ofsayd holatiga tushib qolgan futbolchining pozisiyasini o‘rganadi va qaror qabul qiladi.
Yangi futbol qoidalarini ishlab chiqayotgan IFAB yig‘ilishida rivojlanishning to‘liq tafsilotlari FIFAga taqdim etiladi.