"Milan" hujumchisi Zlatan Ibrahimovich qanday holatda futbolchilik faoliyatini yakunlashi mumkinligi haqida fikr bildirdi. Eslatib o‘tamiz, shvesiyalik futbolchi oktyabr oyida 40 yoshga to‘ldi.
"Faoliyatimni qachon yakunlash borasida hali bir qarorga kelmadim. Aksincha, men imkon qadar ko‘proq o‘ynamoqchiman.
Keyinchalik faoliyatimni davom ettirmaganim uchun afsuslanib qolishni istamayman. Hozircha menga talab bor ekan, o‘ynashda davom etaman", - dedi Ibrahimovich.
Zlatan faoliyati davomida 31ta sovrinni qo‘lga kiritgan. Uning "Milan" bilan shartnomasi 2022 yilning yoziga qadar tuzilgan.