“Takvim” nashri xabariga ko‘ra, Sankt-Peterburgning “Zenit” klubi hujumchisi Serdar Azmun Turkiyaning “Fenerbaxche” klubi “nishoni”ga aylangan. Manbaning xabariga ko‘ra, “qora-sariqlar” futbolchi uchun taklif bilan chiqishmoqchi. 

Eslatib o‘tamiz, Azmunning shartnomasi 2022 yilning yozida yakuniga yetadi va futbolchining narxi 25 million yevroga baholanmoqda. Hujumchi klubni tekinga tark etmasligi uchun peterburgliklar turklarning taklifini qabul qilishlari mumkin.

Joriy mavsumda Azmun 17 ta o‘yin o‘tkazib, 9 ta gol urishga muvaffaq bo‘ldi.