Superliga doirasidagi 25-turda AGMK “Qo‘qon-1912” jamoasi mehmoni bo‘ladi.

Mazkur jamoalar chempionat doirasida jami 15 marotaba to‘qnash kelishgan. O‘zaro uchrashuvlarda ustunlik AGMK tarafida: 9 g‘alaba, 2 durang va 4 mag‘lubiyat. To‘plar nisbati ham olmaliqliklar foydasiga: 26-18.

“Qo‘qon-1912” ayni paytda 32 ochko bilan turnir jadvalida 8-o‘rinda bormoqda.
Qo‘qonliklar joriy mavsum raqiblar darvozasiga 32ta gol urib, bu borada AGMK bilan bir xil ko‘rsatkich qayd etishgan.

Uchrashuvni tajribali referi Ilgiz Tantashev boshqaradi. Mazkur tayinlov Tantashev uchun "konchilar" ishtirokidagi 28-uchrashuvga aylanadi. Ilgiz Tantashev boshqargan o‘yinlarda jamoamiz 11 g‘alaba, 11 durang va 5 mag‘lubiyat qayd etgan.

Superliga, 25-tur.

20 noyabr, shanba

«Qo‘qon-1912» — AGMK (14:00)

Hakamlar: Ilgiz Tantashev, Andrey Sapenko, Timur Gaynullin, Alisher To‘xtasinov

Nazoratchi: Arslon Xotamov

VAR hakami: Akobirxo‘ja Shukurullayev

VAR assistent: Ziyodullo Abdurahmonov

Komissar: Aleksandr Davidenko