Pro ligada mavsumning so‘nggi tur o‘yinlari bo‘lib o‘tdi. "Nurafshon" va "Olimpik" jamoalari o‘zaro Buxoroda to‘qnash kelishdi va 3-o‘rin masalasini hal qilishdi.
Bu bahsda Temur Kapadze shogirdlarini mazkur bahsda kichik hisobdagi mag‘lubiyat ham qanoatlantirar edi. Buxoroliklarga esa yirik hisobdagi g‘alaba kerak edi.
Mazkur to‘qnashuvda "Nurafshon" 3:2 hisobida g‘alaba qozondi. Jamoalarning ochkolari 31taga yetdi. "Olimpik" to‘plar farqiga ko‘ra mavsumni 3-pog‘onada yakunladi va Superligaga chiqish uchun o‘tish bahsida ishtirok etish huquqiga ega bo‘ldi. Superligada 12-o‘rinni egallagan klub 2 dekabr kuni "Olimpik" bilan to‘qnash keladi.
Pro liga. 20-tur
"Nurafshon" - "Olimpik" - 3:2
Gollar: 44 -Bektemir Abdumannonov (0:1), 45+2 - Mirjalol Jumayev (1:1), 51 - San’at Shixov (2:1), 57 - San’at Shixov (3:1), 90+2 - Temur Mamasiddiqov (3:2)
