Про лигада мавсумнинг сўнгги тур ўйинлари бўлиб ўтди. "Нурафшон" ва "Олимпик" жамоалари ўзаро Бухорода тўқнаш келишди ва 3-ўрин масаласини ҳал қилишди.

Бу баҳсда Темур Кападзе шогирдларини мазкур баҳсда кичик ҳисобдаги мағлубият ҳам қаноатлантирар эди. Бухороликларга эса йирик ҳисобдаги ғалаба керак эди.

Мазкур тўқнашувда "Нурафшон" 3:2 ҳисобида ғалаба қозонди. Жамоаларнинг очколари 31тага етди. "Олимпик" тўплар фарқига кўра мавсумни 3-поғонада якунлади ва Суперлигага чиқиш учун ўтиш баҳсида иштирок этиш ҳуқуқига эга бўлди. Суперлигада 12-ўринни эгаллаган клуб 2 декабрь куни "Олимпик" билан тўқнаш келади.

Про лига. 20-тур
"Нурафшон" - "Олимпик" - 3:2
Голлар: 44 -Бектемир Абдуманнонов (0:1), 45+2 - Миржалол Жумаев (1:1), 51 - Санъат Шихов (2:1), 57 - Санъат Шихов (3:1), 90+2 - Темур Мамасиддиқов (3:2)