"Barselona" himoyachisi Serxi Roberto jarohati sabab Chempionlar ligasi guruh bosqichida "Benfika"ga qarshi o‘yinda jamoaga yordam bera olmaydi.
“Roberto o‘ng oyog‘ida noqulaylikni his qilishda davom etmoqda. U ertangi o‘yinda ishtirok etmaydi. Uning qayta tiklanishi uchun vaqt kerak", - deyiladi klubning "Twitter" sahifasida.
29 yoshli ispaniyalik futbolchi 2021 yil oktyabr oyi oxiridagi mashg‘ulotlarda o‘ng sonidan jarohat olgan edi.
Joriy mavsumda Roberto “Barselona” safida Ispaniya chempionatida 9ta o‘yin o‘tkazib, 2ta gol urdi va 1ta golli uzatmani amalga oshirdi. Chempionlar ligasida himoyachi 3ta o‘yin o‘tkazdi.
Bugun, 23 noyabr kuni "Barselona" o‘z uy stadionida "Benfika" bilan o‘ynaydi. Boshlanishi vaqti – 01:00.
