"Барселона" ҳимоячиси Серхи Роберто жароҳати сабаб Чемпионлар лигаси гуруҳ босқичида "Бенфика"га қарши ўйинда жамоага ёрдам бера олмайди.
“Роберто ўнг оёғида ноқулайликни ҳис қилишда давом этмоқда. У эртанги ўйинда иштирок этмайди. Унинг қайта тикланиши учун вақт керак", - дейилади клубнинг "Twitter" саҳифасида.
29 ёшли испаниялик футболчи 2021 йил октябрь ойи охиридаги машғулотларда ўнг сонидан жароҳат олган эди.
Жорий мавсумда Роберто “Барселона” сафида Испания чемпионатида 9та ўйин ўтказиб, 2та гол урди ва 1та голли узатмани амалга оширди. Чемпионлар лигасида ҳимоячи 3та ўйин ўтказди.
Бугун, 23 ноябр куни "Барселона" ўз уй стадионида "Бенфика" билан ўйнайди. Бошланиши вақти – 01:00.
