"Paxtakor" bosh murabbiyi O‘zbekiston Kubogi yarim finalidan keyin bellashuv haqida fikrlarini bildirdi.
- Bugun kubokka xos bo‘lgan haqiqiy shiddatli o‘yin bo‘ldi deb aytish mumkin. O‘yinni yaxshi boshladik, dastlabki daqiqalarda golli vaziyatlarni yaratdik. Biroq qizil kartochkadan so‘ng birgina xatoga yo‘l qo‘ydik. Shu xatodan "Bunyodkor" foydalanib ketdi. O‘yinning aksariyat qismini jamoamiz nazorat qildi, ular ustunroqdek ko‘rinishdi. Hisobni tenglashtirgan xolda o‘yinga qaytdik. Futbolchilarimiz yaxshi o‘ynashdi. Penaltilar seriyasida g‘alaba qozonib omadga erishdik. Jamoamiz a’zolarini harakatlaridan qoniqish hosil qildim.
O‘yinni juda yaxshi boshladik. Hujumdagi futbolchilarga e’tirozim yo‘q. Lekin kartochkadan so‘ng biz o‘zgarishlarni amalga oshirishimiz zarur edi. Boyan Matich yaxshi harakat qildi, jamoaviy harakatlarda ishtirok etdi. Shuningdek, penaltilar seriyasida ham zarbani sovuqqonlik bilan yo‘llab gol urdi. Bu - juda muhim jihat. Barcha futbolchilar qiyin pallada xotirjam harakat qilgani meni g‘ururlantirdi.
Futbolchilarimiz jismoniy jihatdan yaxshi xolatda. "Lokomotiv" bilan sifatli o‘yin o‘tkazdik. 3 kundan so‘ng bizga Dragan Cheran va Sherzod A’zamovlar yordam bera olishmaydi. Ular borasida qarorni kutamiz. Kuchli jamoalarga qarshi o‘ynash bizga yoqadi. Biz oldindagi o‘yinlarga tayyormiz deb ayta olaman.
Ushbu hakamning o‘yinlarni boshqarish uslubi menga yoqadi. Yaxshi hakam, bugungi qarorlarni VAR tizimi orqali chiqardi. Hakamlik haqida doim tortishish mumkin. Lekin bugungi o‘yin hakami takroriy vaziyatlarni ko‘rib, keyin xulosa chiqardi, bizda bu borada e’tiroz yo‘q.
Penaltilar seriyasiga tayyorlagan rejamiz bor edi. Biroq o‘yinning oxiriga kelib tanlangan futbolchilar o‘zgarib ketishdi. Almashtirishlar bo‘ldi, 2ta qizil kartochka oldik. Yakuniy qarorni o‘zim chiqardim. Mashg‘ulotlardan keyin qolib, jarima zarbalari ustida ishlaydigan futbolchilarni bilganim sababli ketma-ketlikda ro‘yxatni tuzib chiqdim.
