«Napoli» klubi hujumchi Dris Mertens bilan yangi shartnoma borasida muzokaralar olib bormoqda, deb xabar beradi La Gazzetta dello Sport.

Manbaning xabariga ko‘ra, Italiya klubi 34 yoshli belgiyalik futbolchi bilan kamaytirilgan maoshda shartnoma imzolamoqchi. Futbolchi esa bunga rozi emas.

Mertens «Napoli»da 2013 yilning iyulidan beri o‘ynamoqda, futbolchining shartnomasi 2022 yilning iyun oyi oxirigacha amal qiladi. 2021/22 yilgi mavsumda u neapolliklar safida 10 ta o‘yin o‘tkazib, 2 ta gol urgan.